Төмөрт Транс групп нь 2013 оны 1-р сард “Төмөрт Транс энд Валфер Интернэйшнл” ХХК-ийг Монгол Итали улсын хамтарсан хөрөнгө оруулалтаар байгуулан, 2013 оны 5 сарын 1-нд “Ган Зангилаа” арматур бүтээцийн үйлдвэрийг ашиглалтанд оруулсан.

Уг үйлдвэр нь арматур бүтээцийг чанартай түүхий эдээр, улирал хамааралгүйгээр үйлдвэрлэн, техникийн болон хөдөлмөрийн аюулгүй байдлыг хангасан үйлдвэрлэлийг барилгын салбарт нэвтрүүлэх, Европ стандартын чанарын удирдлагын тогтолцоог нутагшуулах зорилго бүхий томоохон үйлдвэр. “Ган зангилаа” үйлдвэр нь барилгын чанарыг тодорхойлогч арматурыг европ технологийн дагуу үйлдвэрийн аргаар хэлбэржүүлж, барилгын зураг төсөлд заасан бүх төрлийн хэлбэр хэмжээгээр матаж хэлбэржүүлэх үйлчилгээ үзүүлдэг.